{"id":100148,"date":"2025-11-29T18:24:08","date_gmt":"2025-11-29T18:24:08","guid":{"rendered":"https:\/\/www.europesays.com\/no\/100148\/"},"modified":"2025-11-29T18:24:08","modified_gmt":"2025-11-29T18:24:08","slug":"nonnene-i-osterrike-far-bli-i-klostret-etter-internasjonal-oppmerksomhet-ma-gi-opp-instagram-nrk-urix-utenriksnyheter-og-dokumentarer","status":"publish","type":"post","link":"https:\/\/www.europesays.com\/no\/100148\/","title":{"rendered":"Nonnene i \u00d8sterrike f\u00e5r bli i klostret etter internasjonal oppmerksomhet \u2013 m\u00e5 gi opp Instagram \u2013 NRK Urix \u2013 Utenriksnyheter og -dokumentarer"},"content":{"rendered":"

Tre austerrikske nonner i 80-\u00e5ra som r\u00f8mde fr\u00e5 eit katolsk omsorgssenter i haust<\/a>, ser no ut til \u00e5 ha f\u00e5tt avrunda sin heilt eigne klosterthriller. <\/p>\n

Etter \u00e5 ha tatt seg tilbake til klosteret Goldenstein, abbediet der dei hadde budd i fleire ti\u00e5r, nekta systrene Bernadette (88), syster Regina (86) og syster Rita (82) \u00e5 flytte tilbake til omsorgssenteret.<\/p>\n

Dei har vore fast bestemte p\u00e5 \u00e5 bli verande.<\/p>\n

\u2013 F\u00f8r eg d\u00f8yr p\u00e5 gamleheimen, g\u00e5r eg heller ut p\u00e5 ei eng og g\u00e5r inn i \u00e6va p\u00e5 den m\u00e5ten, sa syster Bernadette til BBC<\/a> i haust.<\/p>\n

I mellomtida har dei hatt ein uvanleg livleg n\u00e6rv\u00e6r p\u00e5 sosiale medium, med over 100.000 f\u00f8lgarar p\u00e5 Instagram<\/a>.\n<\/p>\n

\"En<\/p>\n

Syster Bernadette r\u00f8mde fr\u00e5 gamleheimen i 2023.<\/p>\n

Foto: Angelika Warmuth \/ Reuters \/ NTB<\/p>\n

Kallar forslag fr\u00e5 kyrkja for ein \u00abmunnkorgavtale\u00bb<\/p>\n

Fredag denne veka gav abbed Markus Grasl, som er nonnenes overordna, gr\u00f8nt lys etter samtalar med b\u00e5de kyrkja i Roma og det lokale bisped\u00f8mmet.<\/p>\n

Nonnene f\u00e5r bu vidare i klosteret.<\/p>\n

\u2013 Eg h\u00e5par at s\u00f8strene vil akseptere vegen eg har staka ut, og at eit regulert klosterliv igjen kan bli ein realitet i Goldenstein, skreiv Grasl i ei fr\u00e5segn.<\/p>\n

Han la til at dei skal f\u00e5 d\u00f8gnkontinuerleg pleie, tilgang til lege ved behov og ein prest som skal halde gudstenester i klosterkapellet.<\/p>\n

Prisen for fridomen er klar fr\u00e5 kyrkja. <\/p>\n

Dei m\u00e5 stanse praksisen med \u00e5 sleppe inn vanlege folk i klosteret og logge av Instagram for godt. <\/p>\n

Ingen fleire oppdateringar, ingen fleire kreative kloster-selfies.\n<\/p>\n

Syster Rita fekk nyleg eit par boksehanskar, noko som har ein del av treningsvideoane dei deler p\u00e5 sin Instagram-konto. <\/p>\n

Men nonnene er ikkje n\u00f8gd med avtala. Dei har ikkje akseptert forslaget.<\/p>\n

I ei fr\u00e5segn<\/a> fr\u00e5 st\u00f8ttespelarar, sendt ut p\u00e5 vegner av systrene, hevdar dei at dei ikkje har blitt konsulterte om avtalen.<\/p>\n

Dei omtalar vilk\u00e5ra som vage, einsidige og utan juridisk forankring.<\/p>\n

Dei meiner ogs\u00e5 at avtalen manglar rettsleg kraft, og at den kan avgrense tilgangen til juridisk hjelp og svekke det einaste vernet dei har att; den offentlege merksemda.<\/p>\n

Reinhard Bruzek, som representerer dei, sa til den austerrikske kringkastaren at avtalen abbeden hadde lagt p\u00e5 bordet minna om ein \u00abmunnkorgavtale\u00bb verdig Nord-Korea.<\/p>\n

Bruzek seier at han vil r\u00e5 klientane sine fr\u00e5 \u00e5 akseptere han.<\/p>\n

If\u00f8lge fr\u00e5segna ville det \u00e5 godta abbedens vilk\u00e5r gi ordenen fullmakt over b\u00e5de nonnene og donasjonane dei har f\u00e5tt sidan r\u00f8mminga.\n<\/p>\n

\"En<\/p>\n

Syster Regina har budd i klosteret sidan 1958.<\/p>\n

Foto: Angelika Warmuth \/ Reuters \/ NTB<\/p>\n

Nonnene meiner dei blei flytta mot sin vilje<\/p>\n

Usemja starta d\u00e5 dei tre nonnene blei tatt ut fr\u00e5 klosteret mot sin vilje i slutten av 2023.<\/p>\n

Abbed Grasl meiner dei gjekk med p\u00e5 flyttinga.<\/p>\n

Med hjelp fr\u00e5 tidlegare elevar og ein l\u00e5sesmed flytta dei tilbake i haust. Dei fekk ogs\u00e5 hjelp til \u00e5 attkople straum og vatn i sin del av klosteret. <\/p>\n

Grasl oppmoda dei om \u00e5 vende tilbake til omsorgssenteret.<\/p>\n

If\u00f8lge France 24<\/a> har Grasl nyleg betalt tilbake rundt 64.000 euro, som tilsvarer om lag 740.000 norske kroner i sosiale ytingar han hadde mottatt p\u00e5 vegner av dei tre nonnene.\n<\/p>\n

Ei av nonnene viser sine f\u00f8lgarar p\u00e5 Instagram korleis ho helsar p\u00e5 Jesus, n\u00e5r ho skal g\u00e5 forbi han.<\/p>\n

Etter kvart som nonnene fekk hjelp til \u00e5 opprette kontoar p\u00e5 Instagram og Facebook for \u00e5 dele si historie, fanga saka internasjonal merksemd.<\/p>\n

80-\u00e5ringane fekk mellom anna den britiske ambassad\u00f8ren i Austerrike p\u00e5 tebes\u00f8k.<\/p>\n

Donasjonar har finansiert ein fulltids heimehjelpar og ein kostbar trappeheis som gjer det lettare for systrene \u00e5 ta seg ned fr\u00e5 tredje etasje til b\u00f8nnestundene i klosterkapellet.<\/p>\n

St\u00f8ttespelarar har ogs\u00e5 smugla inn prestar mindre i smug for \u00e5 halde messe for dei tre kvinnene.<\/p>\n

\u2013 Dei stolar eigentleg ikkje p\u00e5 nokon, seier Christina Wirtenberger (65) til The New York Times<\/a>.<\/p>\n

Ho er ein tidlegare elev som har vore sentral i \u00e5 organisere omsorga rundt nonnene.<\/p>\n

\u2013 Vi tar vare p\u00e5 dei slik vi ville tatt vare p\u00e5 v\u00e5re eigne besteforeldre eller foreldre, sa Wirtenberger til avisa.\n<\/p>\n

\"Tre<\/p>\n

Syster Bernadette (88) klemmer ein tidlegare elev, medan syster Rita (82) st\u00e5r ved sida. Dei har, saman med syster Regina (86), f\u00e5tt god hjelp fr\u00e5 tidlegare elevar til \u00e5 halde seg i klosteret.<\/p>\n

Foto: Angelika Warmuth \/ Reuters \/ NTB<\/p>\n

H\u00e5par p\u00e5 forsoning<\/p>\n

Nonnene har budd i klosteret Goldenstein i fleire ti\u00e5r.<\/p>\n

Det er eit slott som sidan 1877 har husa b\u00e5de eit kloster og ein privat jenteskule. <\/p>\n

Syster Bernadette kom som ten\u00e5ring i 1948, syster Regina i 1958, ho blei seinare rektor og syster Rita i 1962.\n<\/p>\n

\"Bildet<\/p>\n

Klosteret Goldenstein ligg n\u00e6r Salzburg i Austerrike.<\/p>\n

Foto: Angelika Warmuth \/ Reuters \/ NTB<\/p>\n

Alle tre arbeidde i mange \u00e5r ved skulen som l\u00e6rarar. <\/p>\n

I eit intervju med The New York Times i haust sa syster Rita at ho framleis h\u00e5pa p\u00e5 forsoning med abbeden.<\/p>\n

\u2013 Eg likar han framleis, sa ho, og la til at nonnene har kjent sidan han var ten\u00e5ring.\n<\/p>\n

\"En<\/p>\n

Syster Rita har budd i klosteret Goldenstein i fleire ti\u00e5r, saman med hennar medsamansvorne.<\/p>\n

Foto: Angelika Warmuth \/ Reuters \/ NTB<\/p>\n

Publisert<\/p>\n

29.11.2025, kl. 18.48<\/p>\n