{"id":104513,"date":"2025-12-04T22:46:09","date_gmt":"2025-12-04T22:46:09","guid":{"rendered":"https:\/\/www.europesays.com\/no\/104513\/"},"modified":"2025-12-04T22:46:09","modified_gmt":"2025-12-04T22:46:09","slug":"berre-ein-nordlending-pa-lista-over-dei-100-rikaste-nrk-nordland","status":"publish","type":"post","link":"https:\/\/www.europesays.com\/no\/104513\/","title":{"rendered":"Berre ein nordlending p\u00e5 lista over dei 100 rikaste \u2013 NRK Nordland"},"content":{"rendered":"

Onsdag kom skattelistene<\/a>, og p\u00e5 lista over dei 100 personane med mest formue i landet, finn vi berre ein nordlending.<\/p>\n

Nordlaks-eigar og vester\u00e5ling, Inge Harald Berg.<\/strong><\/p>\n

Fr\u00e5 Hadsel driv han eitt av dei ti st\u00f8rste oppdrettsselskapa i landet med verksemder i tolv kommunar i Nordland og Troms.<\/p>\n

P\u00e5 lista over dei superrike i Noreg er Berg \u00e9in av to som fysisk bur i Nord-Noreg.<\/p>\n

Den andre er Ola Braanaas. Han flytta i 2021 fr\u00e5 Gulen i Ytre Sogn til B\u00f8 kommune i Vester\u00e5len. Bakgrunnen var kommunen sitt etter kvart ber\u00f8mte kutt i formuesskatten.<\/a><\/p>\n

Det er med andre ord langt mellom rikingane i den nordlegaste landsdelen, og kontrasten til det sentrale Austlandet er valdsam.<\/p>\n

Over halvparten av Noregs superrike bur i Oslo (44) og B\u00e6rum (8).<\/p>\n

\u2013 Heiar p\u00e5 dei som tener pengar<\/p>\n

\u2013 Skattelistene er eit godt bevis p\u00e5 at det er lite kapital i Nord-Noreg. Det er eit stort faresignal for heile Nord-Noreg n\u00e5r kapitalen flyttar s\u00f8rover, seier B\u00f8-ordf\u00f8rar Sture Pedersen (H).<\/p>\n

Ordf\u00f8raren har sj\u00f8lv pr\u00f8vd \u00e5 lokke til seg folk med kapital ved \u00e5 sette ned eigedomsskatten. Blant anna Bj\u00f8rn D\u00e6hlie flytta til skatteparadiset<\/a>.<\/p>\n

Men det er tydelegvis ikkje nok med Braanaas og Berg i Nord-Noreg.<\/p>\n

\"Sture<\/p>\n

\u2013 Dette er problematisk, meiner Sture Pedersen (H), ordf\u00f8rar i B\u00f8 i Vester\u00e5len.<\/p>\n

Foto: Alf Simensen \/ NTB<\/p>\n

\u2013 Vi klarer ikkje \u00e5 legge til rette for at det skal l\u00f8nne seg \u00e5 flytte nordover, seier Pedersen.<\/strong><\/p>\n

Kapital er viktig for at eit samfunn skal kunne utvikle seg. For eksempel har Berg investert masse i lokalsamfunna i Vester\u00e5len, som blant anna eitt nytt hotell i Hadsel, if\u00f8lge Pedersen.<\/p>\n

\u2013 Alle etableringar treng eigenkapital. Eg kjenner masse folk som har idear, men dei manglar eigenkapital. D\u00e5 kan ein \u00e5 g\u00e5 til dei som har kapital, og pr\u00f8ve \u00e5 f\u00e5 hjelp til \u00e5 dra noko i gang. Men om den kapitalen stadig flyttar ut av landsdelen v\u00e5r, s\u00e5 er det eit faresignal n\u00e5r vi skal utvikle nye arbeidsplassar. Og vi veit at folk flyttar etter arbeidsplassane.<\/p>\n

\u2013 Nokon er misunnelege, men eg heiar p\u00e5 alle som tener pengar, seier Pedersen.<\/p>\n

\"Inge<\/p>\n

Lakseg gr\u00fcndaren Inge Berg tronar \u00e5leine som nordlending p\u00e5 lista over dei 100 rikaste i Noreg. Han er \u00e9in av berre to som bur i landsdelen. Den andre er Ola Braanaas, vestlendingen som skatteflykta til B\u00f8 i Vester\u00e5len.<\/p>\n

Foto: NRK<\/p>\n

Kvifor er det slik?<\/p>\n

\u2013 Dei som har begynt \u00e5 tene litt pengar i nord, har som regel blitt oppkj\u00f8pt eller flytta s\u00f8rover. Enten flyttar dei til Oslo, eller s\u00e5 flyttar dei til utlandet, forklarar Pedersen.<\/p>\n

Tidlegare i \u00e5r kj\u00f8pte Noregs st\u00f8rste oppdrettsselskap, Mowi opp Lovund-baserte Nova Sea.<\/a><\/p>\n

Ordf\u00f8raren trur skatt og samferdsel ogs\u00e5 er noko av grunnen til at det har blitt slik.<\/p>\n

\u2013 Vi har for d\u00e5rleg offentleg kommunikasjon i Nord-Noreg. Vi har for d\u00e5rlege flysamband. Det er for usikkert \u00e5 drive ein s\u00e5nn type business i nord. Ein er avhengige av \u00e5 kome seg hurtig mellom stader.<\/p>\n

\u00d8ystein D\u00f8rum er sjef\u00f8konom i samfunns\u00f8konomi i NHO. Han seier befolkningstal speler ei viktig rolle her. Det bur knappe ein halv million menneske i Nord-Noreg, mens dei resterande 5,1 millionane bur s\u00f8rp\u00e5.<\/p>\n

\u2013 Om du er i eit lite milj\u00f8 utan rike menneske, s\u00e5 kan det vere vanskelegare \u00e5 selje inn ein god id\u00e9 og gi han vekstmoglegheiter, enn om du er i eit st\u00f8rre milj\u00f8 med kapital, forklarar D\u00f8rum.<\/strong><\/p>\n

\"Katharina<\/p>\n

Over halvparten av Noregs rikaste bur i Oslo og B\u00e6rum. \u00c9i av dei er Katharina Kvasnes Andresen. Ho arva ein stor del av aksjane i investeringsselskapet Ferd AS fr\u00e5 far sin, Johan H. Andresen.<\/p>\n

Foto: Dag<\/p>\n

\u2013 Lettare \u00e5 bygge seg stor p\u00e5 st\u00f8rre stader<\/p>\n

Han kallar det agglomerasjoneffektar, som viser til blant anna fordelar som f\u00f8lger av at personar, verksemder og prosjekt, samlast p\u00e5 same stad.<\/p>\n

Blant anna har akt\u00f8rar i n\u00e6ringslivet ofte ein fordel av \u00e5 ligge i n\u00e6rleiken av kvarandre, sidan det gir betre tilgang til marknader, infrastruktur og relevante tenester.<\/p>\n

\u2013 Grunnlaget for \u00e5 bygge opp veldig store verksemder er gjerne kor du har finansielle milj\u00f8 av ein viss st\u00f8rrelse.<\/p>\n