{"id":122353,"date":"2025-12-26T17:40:40","date_gmt":"2025-12-26T17:40:40","guid":{"rendered":"https:\/\/www.europesays.com\/no\/122353\/"},"modified":"2025-12-26T17:40:40","modified_gmt":"2025-12-26T17:40:40","slug":"samlar-gravide-i-grupper-for-a-forebygga-fodselsdepresjon-nrk-vestland","status":"publish","type":"post","link":"https:\/\/www.europesays.com\/no\/122353\/","title":{"rendered":"Samlar gravide i grupper for \u00e5 f\u00f8rebygga f\u00f8dsels\u00addepresjon \u2013 NRK Vestland"},"content":{"rendered":"<p>Saka oppsummert: <\/p>\n<ul>\n<li>Rundt 10 % av kvinner opplever f\u00f8dselsdepresjon, men mange kunne blitt fanga opp tidlegare.<\/li>\n<li>Modertreet Trygg mamma er eit nytt tilbod som samlar gravide i grupper for \u00e5 f\u00f8rebygga psykiske vanskar.<\/li>\n<li>Prosjektet legg vekt p\u00e5 deling av erfaringar, fellesskap og praktiske verkt\u00f8y for \u00e5 handtera utfordringar.<\/li>\n<li>Tilbodet er allereie i bruk i kommunar som Tysnes og B\u00f8mlo, med positive tilbakemeldingar.<\/li>\n<li>Fr\u00e5 2026 skal vidareutdanning for helsepersonell innan svangerskapsomsorg bli tilgjengeleg.<\/li>\n<li>Psykisk helse i svangerskap og barseltid m\u00e5 prioriterast p\u00e5 lik linje med fysisk helse.<\/li>\n<\/ul>\n<p>Oppsummeringa er laga av ei KI-teneste fr\u00e5 OpenAI. Innhaldet er kvalitetssikra av NRK sine journalistar f\u00f8r publisering.<\/p>\n<p>\u2013 Dei aller, aller fleste kunne ha blitt fanga opp mykje tidlegare, seier psykologspesialist Susanna Heggland, som driv praksis p\u00e5 Tysnes i Sunnhordland.<\/p>\n<p>Rundt ei av ti kvinner f\u00e5r f\u00f8dselsdepresjon. <a href=\"https:\/\/www.fhi.no\/he\/fr\/folkehelserapporten\/grupper\/svangerskap\/#mors-psykiske-helse-i-svangerskap-og-nyfdtperiode\" ec-id=\"https:\/\/www.fhi.no\/he\/fr\/folkehelserapporten\/grupper\/svangerskap\/\" ec-name=\"Tala fr\u00e5 FHI\" rel=\"nofollow noopener\" target=\"_blank\">Tala fr\u00e5 FHI<\/a> dekker alt fr\u00e5 milde til meir alvorlege tilfelle.<\/p>\n<p>Heggland har utarbeidd ein ny metode for \u00e5 f\u00f8rebygga psykiske vanskar.<\/p>\n<p>I Modertreet Trygg mamma blir gravide samla i grupper, for \u00e5 lufta tankar og erfaringar. Og l\u00e6ra seg verkt\u00f8y for \u00e5 f\u00f8rebygga og handtera stormar som m\u00e5tte koma.<\/p>\n<p>Litt som barselgrupper, men f\u00f8r babyen kjem og alt blir end\u00e5 meir overveldande.<\/p>\n<p>M\u00f8drer med erfaringar<\/p>\n<p>P\u00e5 ein kafe i V\u00e5ge p\u00e5 Tysnes sit fire kvinner som alle har deltatt i pilotprosjektet. Alle har hatt t\u00f8ffe m\u00f8te med anten graviditet, f\u00f8dsel eller begge delar.<\/p>\n<p>    <img alt=\"kvinne smiler\"  loading=\"lazy\"\/><img alt=\"kvinne p\u00e5 kafe\"  loading=\"lazy\"\/><\/p>\n<p>Maren Leite og Rebekka Restad Rabben deltok i pilotprosjektet Modertreet &#8211; Trygg mamma p\u00e5 Tysnes. S\u00f8nene p\u00e5 1 \u00e5r g\u00e5r no i barnehage, men m\u00f8drene m\u00f8test framleis jamnleg.<\/p>\n<p>Foto: Eli Bjelland \/ NRK<\/p>\n<p>Maren Leite er mamma til to gutar p\u00e5 to og eitt \u00e5r. Ho har blant anna opplevd heftige f\u00f8dslar, som f\u00f8rste gongen enda med akutt keisarsnitt.<\/p>\n<p><strong>\u2013 Det var ikkje f\u00f8r etter at eg fekk f\u00f8rstemann, at eg skj\u00f8nte kor viktig det er \u00e5 kunna meir, for \u00e5 f\u00f8rebu seg p\u00e5 barseltida.<\/strong><\/p>\n<p>\u2013 Hadde eg hatt verkt\u00f8y og eit slikt fellesskap den gongen, hadde det gitt meg eit betre utgangspunkt for \u00e5 takla det som skulle koma, meiner Leite.<\/p>\n<p>Rebekka Rabben Restad har ogs\u00e5 to s\u00f8ner. No er ho gravid igjen og ventar ei jente. D\u00e5 ho gjekk gravid f\u00f8rste gongen, mista ho to familiemedlemmer og var i sorg.<\/p>\n<p><strong>\u2013 Det var beint\u00f8ft. Eg var allereie nedstemt og deprimert f\u00f8r eg fekk ungen, og det prega mykje av den f\u00f8rste tida, seier Rabben.<\/strong><\/p>\n<p>\u2013 Eg fekk nok litt hjelp, men skulle hatt tettare oppf\u00f8lging. Ei gruppe som Modertreet hadde vore ein god plass \u00e5 dela tankar og erfaringar den gongen. For \u00e5 kjenna seg mindre \u00e5leine.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"Bildet viser flere voksne og babyer samlet i en innend\u00f8rs kaf\u00e9. To kvinner sitter p\u00e5 en lav sofa, mens en annen kvinne holder en baby i fanget. To babyer leker med leker, og det finnes planter og serveringselementer p\u00e5 bordet foran dem. Det er vinduer med lys og dekorasjoner i bakgrunnen. (Bildebeskrivelsen er laget av en KI-tjeneste)\" title=\"Foto: Eli Bjelland \/ NRK\"\/><\/p>\n<p class=\"\">Maren Leite og Rebekka Rabben Restad deltok i ei pilotgruppe for Modertreet for nybakte m\u00f8drer. Kristi Pedersen Madsen og Henriette Vevatne Lunde gjekk saman p\u00e5 Modertreet Trygg Mamma som gravide. Dei har alle halde kontakten etter at s\u00f8nene kom til verda.<\/p>\n<p>Foto: Eli Bjelland \/ NRK<\/p>\n<p>Vil ut til s\u00e5 mange kommunar som mogleg<\/p>\n<p>Tysnes gav tilbod til gravide og kvinner i barsel om Modertreet-gruppe hausten 2024. Kommunen stod d\u00e5 <a href=\"https:\/\/www.nrk.no\/vestland\/tysnes-kommune-mangler-jordmortjeneste_-gravide-kvinner-uttrykker-bekymring-1.16953728\" ec-id=\"pp:article:1.16953728\" ec-name=\"utan eiga jordmor\" rel=\"nofollow noopener\" target=\"_blank\">utan eiga jordmor<\/a>, men har no jordmor tilsett i full stilling igjen.<\/p>\n<p>Erfaringane og tilbakemeldingane p\u00e5 Modertreet-kursa har vore positive.<\/p>\n<p>\u2013 M\u00e5let er at kommunen sj\u00f8lv skal tileigna seg kunnskap\/oppl\u00e6ring til \u00e5 driva svangerskaps- og barselgrupper i tr\u00e5d med Modertreet-modellen i l\u00f8pet av 2026, seier Ingvild A. Hustad, som er einingsleiar for helsefremjande og f\u00f8rebyggande tenester.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"Bildet viser en bokomslag med en stilisert illustrasjon av en gravid kvinne som st\u00e5r under et tre. Treets blader strekker seg ut fra kvinnens hode, og r\u00f8ttene vokser nedover. Fargene i illustrasjonen er hovedsakelig svart og beige. Omgivelsene inkluderer en treoverflate i bakgrunnen. (Bildebeskrivelsen er laget av en KI-tjeneste)\" title=\"Foto: Eli Bjelland \/ NRK\"\/><\/p>\n<p class=\"\">Modertreet er b\u00e5de ein modell og ein metode for \u00e5 jobba f\u00f8rebyggande i graviditet og barseltid.<\/p>\n<p>Foto: Eli Bjelland \/ NRK<\/p>\n<p>I B\u00f8mlo kommune har dei ogs\u00e5 integrert tilbodet som ein del av svangerskapsomsorga. Der blir det no halda fortl\u00f8pande kurs for gravide.<\/p>\n<p>Fr\u00e5 v\u00e5ren 2026 startar Modertreet ogs\u00e5 vidareutdanning for personar i heile landet som jobbar med gravide og kvinner i barsel.<\/p>\n<p>Prosjektet er st\u00f8tta av Stiftelsen Dam og utvikla i samarbeid med Mental Helse.<\/p>\n<p>Fakta om prosjektet Modertreet:<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"hefte som handlar om svangerskapsomsorg\" title=\"Foto: Eli Bjelland \/ NRK\"\/><\/p>\n<p>Foto: Eli Bjelland \/ NRK<\/p>\n<ul>\n<li>Ein modell og metode for \u00e5 jobba med den psykiske vekstprosessen n\u00e5r kvinner blir m\u00f8drer.<\/li>\n<li>Modertreet Trygg Mamma er gjennomf\u00f8rt i to kurs i Tysnes kommune og blir fortl\u00f8pande arrangert ogs\u00e5 i B\u00f8mlo kommune, der gravide blir inviterte med.<\/li>\n<li>Blir gjennomf\u00f8rt i fem modular fr\u00e5 rundt veke 25 i gravidteten. Kvar modul har ein teoretisk og praktisk del.<\/li>\n<li>Skal gi innsikt i prosessen rundt graviditet og barsel, og gi verkt\u00f8y til \u00e5 takla utfordringar som kan koma.<\/li>\n<li>Kurset f\u00f8lgjer kvinnene i graviditeten og etter f\u00f8dsel for \u00e5 ramma inn familiane i den mest s\u00e5rbare tida (tredje og fjerde trimester).<\/li>\n<li>Inkluderer partnar og har eit familiefokus i m\u00f8te med psykiske vanskar i denne perioden.<\/li>\n<li>Fr\u00e5 v\u00e5ren 2026 startar Modertreet ogs\u00e5 videreutdanning for dei som jobbar med gravide og kvinner i barsel.<\/li>\n<li>M\u00e5let er at fleire kommunar skal ta i bruk modellen.<\/li>\n<li>Prosjektet er <a href=\"https:\/\/www.dam.no\/prosjekter\/modertreet-trygg-mamma-et-forebyggende-kurs-for-gravide-og-kvinner-i-barsel\/\" ec-id=\"https:\/\/www.dam.no\/prosjekter\/modertreet-trygg-mamma-et-forebyggende-kurs-for-gravide-og-kvinner-i-barsel\/\" ec-name=\"st\u00f8tta av Stiftelsen Dam\" rel=\"nofollow noopener\" target=\"_blank\">st\u00f8tta av Stiftelsen Dam<\/a> og utvikla i samarbeid med Mental Helse.<\/li>\n<\/ul>\n<p>Kjelde: Modertreet \/ Susanna Heggland<\/p>\n<p>\u2013 Fleire kvinner m\u00e5 f\u00e5 st\u00f8tte<\/p>\n<p>Ei prosjektgruppe skal koma med innspel og evaluera kursa.<\/p>\n<p>Der er blant andre jordmor Gro Versto Larsen med. Tidlegare har ho fortald om korleis det er \u00e5 oppleva alvorleg f\u00f8dselsdepresjon.<\/p>\n<p>Larsen har ei dotter p\u00e5 snart fire \u00e5r og ein son p\u00e5 fem m\u00e5nader. I begge graviditetane blei ho s\u00e5 sjuk at ho m\u00e5tte ha ECT-behandling etter f\u00f8dsel.<\/p>\n<p>Ho trur ikkje at sjukdomen kunne ha vore forhindra, men at ho kunne ha blitt plukka opp tidlegare viss ho var del av ei gruppe i graviditeten.<\/p>\n<p>\u2013 Eg var veldig opptatt av at ingen skulle vita noko, men eg kom jo med sm\u00e5 drypp som ein kunne ha stilt sp\u00f8rsm\u00e5l ved. Det kunne blitt oppdaga viss dei var litt merksame.<\/p>\n<p><strong>Graviditet og barseltid er det tidspunktet i livet kvinner har st\u00f8rst risiko for psykisk uhelse. Likevel er det for lita tid for helsepersonell \u00e5 prioritera dette, if\u00f8lgje jordmora.<\/strong><\/p>\n<p>Ho h\u00e5par fleire kommunar no f\u00e5r oppretta grupper for gravide.<\/p>\n<p>\u2013 Draumen er at Modertreet blir ein naturleg og integrert del av svangerskapsomsorga. Psykisk helse m\u00e5 sidestillast med fysisk helse, og fleire kvinner m\u00e5 f\u00e5 st\u00f8tte f\u00f8r dei kjem til eit punkt der dei verkeleg slit.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"Gro Versto Larsen p\u00e5 jobb p\u00e5 Stord sjukehus. \" title=\"Foto: Eli Bjelland\"\/><\/p>\n<p class=\"\">Gro Versto Larsen jobbar som jordmor p\u00e5 Stord sjukehus. Ho engasjerer seg ogs\u00e5 stort for den psykiske helsa til gravide og m\u00f8drer etter \u00e5 ha opplevd alvorleg f\u00f8dselsdepresjon.<\/p>\n<p>Foto: Eli Bjelland<\/p>\n<p>Hugsar erfaringar f\u00e5r andre m\u00f8drer<\/p>\n<p><strong>\u2013 M\u00f8drer h\u00f8yrer p\u00e5 andre m\u00f8drer. Det er ikkje n\u00f8dvendigvis det eg seier som psykolog som blir hugsa i m\u00f8te med gravide, men det man seier som mamma.<\/strong><\/p>\n<p>Psykologspesialist Susanna Heggland har vidareutdanning i perinatal mental helse.<\/p>\n<p>I arbeidet med Modertreet har ho m\u00f8tt og snakka med mange kvinner som har utvikla ein del vanskar, og partnarane deira.<\/p>\n<p>\u2013 Dei opplever at dei har f\u00e5tt for lite kunnskap, og at dei har vore veldig \u00e5leine med det dei har strevd med heilt fr\u00e5 graviditet og etter f\u00f8dsel.<\/p>\n<p>\u2013 Det er eit paradoks, n\u00e5r me veit at psykiske vanskar er den vanlegaste komplikasjonen i svangerskap og barseltid. Det \u00e5 kopla p\u00e5 erfaringar andre kvinner har, trur eg er n\u00f8kkelen til \u00e5 jobba f\u00f8rebyggande, seier Heggland.<\/p>\n<p>P\u00e5 kafeen i V\u00e5ge h\u00e5par dei at Tysnes kommune vil halda fram med kurs for gravide.<\/p>\n<p>\u2013 Det er mykje meir kostbart for samfunnet \u00e5 driva brannsl\u00f8kking i staden for \u00e5 jobba proaktivt og f\u00f8rebyggande mot f\u00f8dselsdepresjon, meiner Maren Leite.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"to kvinner med barn p\u00e5 kafe\" title=\"Foto: Eli Bjelland \/ NRK\"\/><\/p>\n<p class=\"\">Kristi Pedersen Madsen og Henriette Vevatne Lunde gjekk saman p\u00e5 Modertreet Trygg Mamma som gravide, og har hatt godt utbytte av kurset.<\/p>\n<p>Foto: Eli Bjelland \/ NRK<\/p>\n<p>Publisert<\/p>\n<p>26.12.2025, kl. 14.49<\/p>\n","protected":false},"excerpt":{"rendered":"Saka oppsummert: Rundt 10 % av kvinner opplever f\u00f8dselsdepresjon, men mange kunne blitt fanga opp tidlegare. Modertreet Trygg&hellip;\n","protected":false},"author":2,"featured_media":122354,"comment_status":"","ping_status":"","sticky":false,"template":"","format":"standard","meta":{"footnotes":""},"categories":[10],"tags":[20,21,24,25,15,22,23,13,30,28,29,14,16,26,27],"class_list":{"0":"post-122353","1":"post","2":"type-post","3":"status-publish","4":"format-standard","5":"has-post-thumbnail","7":"category-norge","8":"tag-breaking-news","9":"tag-breakingnews","10":"tag-featured-news","11":"tag-featurednews","12":"tag-headlines","13":"tag-latest-news","14":"tag-latestnews","15":"tag-news","16":"tag-no","17":"tag-norge","18":"tag-norway","19":"tag-nyheter","20":"tag-overskrifter","21":"tag-top-stories","22":"tag-topstories"},"share_on_mastodon":{"url":"https:\/\/pubeurope.com\/@no\/115787099183661372","error":""},"_links":{"self":[{"href":"https:\/\/www.europesays.com\/no\/wp-json\/wp\/v2\/posts\/122353","targetHints":{"allow":["GET"]}}],"collection":[{"href":"https:\/\/www.europesays.com\/no\/wp-json\/wp\/v2\/posts"}],"about":[{"href":"https:\/\/www.europesays.com\/no\/wp-json\/wp\/v2\/types\/post"}],"author":[{"embeddable":true,"href":"https:\/\/www.europesays.com\/no\/wp-json\/wp\/v2\/users\/2"}],"replies":[{"embeddable":true,"href":"https:\/\/www.europesays.com\/no\/wp-json\/wp\/v2\/comments?post=122353"}],"version-history":[{"count":0,"href":"https:\/\/www.europesays.com\/no\/wp-json\/wp\/v2\/posts\/122353\/revisions"}],"wp:featuredmedia":[{"embeddable":true,"href":"https:\/\/www.europesays.com\/no\/wp-json\/wp\/v2\/media\/122354"}],"wp:attachment":[{"href":"https:\/\/www.europesays.com\/no\/wp-json\/wp\/v2\/media?parent=122353"}],"wp:term":[{"taxonomy":"category","embeddable":true,"href":"https:\/\/www.europesays.com\/no\/wp-json\/wp\/v2\/categories?post=122353"},{"taxonomy":"post_tag","embeddable":true,"href":"https:\/\/www.europesays.com\/no\/wp-json\/wp\/v2\/tags?post=122353"}],"curies":[{"name":"wp","href":"https:\/\/api.w.org\/{rel}","templated":true}]}}