Bladet Kapital har berekna at i 2024 var avkastinga p\u00e5 dei 400 rikaste sin nettoformue 299 milliardar kroner. Den \u00e5rlege samla formueskatten til stat og kommunar er ca. 35 milliardar kroner, som svarer til mindre enn 12 prosent(!) av den \u00e5rlege avkastinga av dei 400 rikaste sin formue.<\/p>\n
Det offentlege Skatteutvalet fann at berre 13 prosent av alle skatteytarar betalte formueskatt i 2022. Guttorm Schjelderup ved NHH ansl\u00e5r at halvparten av dei som betalte formueskatt i 2023, betalte mindre enn 14.000 kroner kvar. Den eine prosenten med h\u00f8gst formue betalte 2\/3 av all formueskatt i f\u00f8lge Dagens N\u00e6ringsliv.<\/p>\n
Eigarar som med <\/strong>dagens reglar ikkje betalar skatt p\u00e5 aksjeutbytte, m\u00e5 i det minste betale formueskatt. Dersom aksjon\u00e6ren ikkje tek utbytte ut av verksemda eller plasserer det i eit s\u00e5kalla holdingselskap, gjer nemleg \u00abfritaksmetoden\u00bb at han slepp \u00e5 betale skatt p\u00e5 utbyttet s\u00e5 lenge det ikkje blir tatt ut. D\u00e5 m\u00e5 aksjon\u00e6ren betale berre ein prosent skatt p\u00e5 sin aksjeformue. Skatteutvalet sin rapport ansl\u00e5r at i 2016 hadde aksjon\u00e6rane hopa opp 3100 milliardar kroner i slike \u00ablatente eigarinntekter\u00bb. Det svarer til over 1100 milliardar kroner i skattegjeld som aksjon\u00e6rane st\u00e5r fritt til \u00e5 betale n\u00e5r det passar dei, eventuelt aldri. (Dette bel\u00f8pet er betydeleg st\u00f8rre enn statens samla skatteinntekter i 2016.)<\/p>\n Det er merkverdig at formueskatten skal representere ei spesiell byrde for gr\u00fcndarar. \u00a0Oppstartselskap er som regel ikkje b\u00f8rsnoterte, med andre ord \u00abunoterte\u00bb. Eigarane st\u00e5r derfor ganske fritt n\u00e5r det gjeld \u00e5 fastsetje deira bokf\u00f8rte netto verdi, og dermed skattegrunnlaget for eigars formueskatt. En studie fr\u00e5 SSB estimerer at den bokf\u00f8rte verdien til slike selskap i gjennomsnitt er berre ca. halvparten av deira marknadsverdi.<\/p>\n Ein ny studie fr\u00e5 SSB av unoterte selskap viser det same m\u00f8nsteret for bruk av \u00abfritaksmetoden\u00bb som ved b\u00f8rsnoterte selskap. P\u00e5 grunnlag av skattegrunnlaget sin likningsverdi auka eigarane si \u00ablatente\u00bb skattegjeld knytt til desse selskapa fr\u00e5 162 milliardar 2021-kroner i 2011 til 668 milliardar i 2022. Dette siste bel\u00f8pet er ikkje sm\u00e5pengar. Det svarer til 80 prosent av statens budsjetterte samla skatteinntak p\u00e5 inntekt, formue og kapital i 2025.<\/p>\n Ein studie uf\u00f8rt <\/strong>av forskarar ved Frisch-senteret (Economica, bd. 90, 2023) viser at som regel m\u00e5 ikkje eigarar av sm\u00e5 og mellomstore unoterete verksemder trekkje pengar ut av bedrifta som dei elles ville ha brukt for \u00e5 auke sysselsetting og produksjon. Tvert imot bidrar ei krone meir i berekna formueskatt i gjennomsnitt til \u00e5 auke l\u00f8nnssummen i verksemda med 60 \u00f8re i same \u00e5r og med 1 krone etter to \u00e5r. Forfattarane si tolking av dette resultatet er at h\u00f8gre formueskatt gjer det meir l\u00f8nnsamt for eigaren \u00e5 investere i dei tilsette sin kunnskap og kompetanse, sidan \u00abhumankapital\u00bb ikkje inng\u00e5r i bedriftas balanse og dermed ikkje blir fanga opp som skattepliktig formue hos eigaren.<\/p>\n Motstandarar av formueskatten gjentak stadig at han motverkar norsk eigarskap og \u00abfavoriserer\u00bb utanlandske aksjon\u00e6rar, fordi dei slepp \u00e5 betale formueskatt til Norge. Men utanlandske eigarar m\u00e5 betale formueskatt til Norge p\u00e5 andre typar formue enn aksjar. Som det heiter i Stortingsproposisjon for budsjett\u00e5ret 2025: \u00abFysiske personer som ikke er skattemessig bosatt i Norge, skal betale formueskatt til Norge for formue i fast eiendom eller l\u00f8s\u00f8re som vedkommende eier eller r\u00e5r over her i riket\u00bb. Utanlandske aksjon\u00e6rar m\u00e5 betale skatt p\u00e5 utbytte i norske selskap gjennom den s\u00e5kalla kjeldeskatten som selskapet m\u00e5 trekkje fr\u00e5 og betale til staten n\u00e5r det overf\u00f8rer utbytte til utanlandsk aksjon\u00e6r. Det kan neppe vere ei skattepolitisk ulempe \u00e5 utvide kjeldeskatten til ogs\u00e5 \u00e5 omfatte skatt p\u00e5 aksjeformue. Denne formuens verdi er dessutan langt enklare \u00e5 fastsette enn formue i fast eigedom og laus\u00f8yre.<\/p>\n \u00c5tte ting du m\u00e5 vite om saken de alltid krangler om <\/a> <\/p>\n
N\u00e5r fulltids\u00adjobb ikke er nok <\/a> <\/p>\n