{"id":233071,"date":"2026-05-08T23:17:21","date_gmt":"2026-05-08T23:17:21","guid":{"rendered":"https:\/\/www.europesays.com\/no\/233071\/"},"modified":"2026-05-08T23:17:21","modified_gmt":"2026-05-08T23:17:21","slug":"sjukepleiar-skulda-for-omfattande-snoking-i-pasientjournalar-nektar-a-ha-gjort-noko-gale-nrk-more-og-romsdal-lokale-nyheter-tv-og-radio","status":"publish","type":"post","link":"https:\/\/www.europesays.com\/no\/233071\/","title":{"rendered":"Sjukepleiar skulda for omfattande snoking i pasientjournalar \u2013 nektar \u00e5 ha gjort noko gale \u2013 NRK M\u00f8re og Romsdal \u2013 Lokale nyheter, TV og radio"},"content":{"rendered":"

Det var kommunen sine eigne folk som slo alarm etter ein stikkpr\u00f8vekontroll tidlegare i v\u00e5r. D\u00e5 skal dei ha oppdaga at ein sjukepleiar las i journalane til pasientar ho ikkje har ansvaret for.<\/p>\n

B\u00e5de Datatilsynet og statsforvaltaren i M\u00f8re og Romsdal er varsla om saka.<\/p>\n

\u2013 N\u00e6rare unders\u00f8kingar tyder p\u00e5 at det er gjort eit betydeleg tal oppslag, utan tenestlege behov. Kommunen jobbar framleis med \u00e5 avklare detaljane knytt til omfang og tidsperiode, seier kommunen sin advokat.<\/strong><\/p>\n

Det er strengt ulovleg ogs\u00e5 for helsepersonell \u00e5 sl\u00e5 opp i pasientjournalar utan \u00e5 ha ein fagleg grunn for \u00e5 gjere det.<\/p>\n

NRK har valt \u00e5 anonymisere kommunen og advokaten for \u00e5 unng\u00e5 identifisering.<\/p>\n

Nektar for \u00e5 ha gjort noko gale<\/p>\n

Sjukepleiaren er tatt ut av teneste, og fekk avskjed p\u00e5 dagen fr\u00e5 kommunen. Gjennom advokaten sin avviser ho \u00e5 ha gjort noko gale.<\/p>\n

\u2013 Sjukepleiaren meiner oppslaga er gjort ut fr\u00e5 behov i jobben, og ser fram til statsforvaltaren si behandling av saka. For statsforvaltaren kan det ventast ei forsvarleg saksbehandling der sjukepleiaren f\u00e5r im\u00f8teg\u00e5tt det kommunen har kome med p\u00e5 ein skikkeleg og ryddig m\u00e5te, seier advokat Joakim Augeli Karlsen som representerer sjukepleiaren.<\/strong><\/p>\n

\"Joakim<\/p>\n

Joakim Augeli Karlsen er advokat for sjukepleiaren som er skulda for journalsnoking.<\/p>\n

Foto: Lindbekk Sandnes & co<\/p>\n

Fylkeslege Karin M\u00fcller Mikaelsen hos statsforvaltaren i M\u00f8re og Romsdal stadfestar at dei er varsla om saka, men vil f\u00f8rebels ikkje uttale seg om innhaldet eller det p\u00e5st\u00e5tte omfanget.<\/p>\n

Statsforvaltaren unders\u00f8kjer saker der det er mistanke om at helsepersonell har brote lova. Dei mest alvorlege sakene blir oversendt Helsetilsynet, og kan i verste fall f\u00f8re til at helsepersonellet misser retten til \u00e5 halde fram i yrket sitt.<\/p>\n

Ingen pasientar varsla<\/p>\n

Inntil vidare er ingen av dei som kan vere utsett for snoking, varsla.<\/p>\n

Advokaten til kommunen vil ikkje svare p\u00e5 om sjukepleiaren har noko relasjon til dei ho er skulda for \u00e5 ha snoka p\u00e5. Det er ikkje kjent om sjukepleiaren arbeidde p\u00e5 legekontoret eller i helse- og omsorgstenesta i kommunen.<\/p>\n

\u2013Dei r\u00e5ka vil bli varsla s\u00e5 fort arbeidet med \u00e5 avklare omfanget er ferdig, seier advokaten.<\/strong><\/p>\n

Advokaten seier det blir jobba vidare med \u00e5 vurdere om det er n\u00f8dvendig \u00e5 sette inn tiltak for \u00e5 hindre tilsvarande brot i framtida.<\/p>\n

Over 200 snokesaker<\/p>\n

Dei siste \u00e5ra er det registrert 232 saker som gjeld snoking og brot p\u00e5 Helsepersonellova 21a<\/a>. Tal fr\u00e5 Helsetilsynet viser at statsforvaltarane rundt om i landet har behandla ei rekkje saker:<\/p>\n