{"id":272084,"date":"2026-06-20T14:30:19","date_gmt":"2026-06-20T14:30:19","guid":{"rendered":"https:\/\/www.europesays.com\/no\/272084\/"},"modified":"2026-06-20T14:30:19","modified_gmt":"2026-06-20T14:30:19","slug":"voss-voss-cup-drakttorke-pa-voss-hadde-me-hatt-dei-ville-me-moka-dei-ut","status":"publish","type":"post","link":"https:\/\/www.europesays.com\/no\/272084\/","title":{"rendered":"Voss, Voss Cup | Draktt\u00f8rke p\u00e5 Voss: \u2013 Hadde me hatt dei, ville me moka dei ut"},"content":{"rendered":"\n

Det er ikkje lett \u00e5 f\u00e5 tak i dei offisielle draktene. <\/p>\n

Toni Lindebrekk hj\u00e5 Sport 1 fortel om eit vanvitig sal.<\/p>\n

\u2013 Salet har vore veldig bra, draktene har rett og slett foke ut d\u00f8ra. Dei originale draktene forsvann i l\u00f8pet av ein time f\u00f8rre veke, seier Lindebrekk.<\/p>\n

D\u00e5 butikken fekk inn eit parti p\u00e5 torsdag, tok det under ein time f\u00f8r alt var vekk.<\/p>\n

Mykje nettbestilling<\/p>\n

Men det er slett ikkje sikkert det er vossingar som sit med draktene:<\/p>\n

\u2013 90 prosent av produkta rauk unna p\u00e5 bestillingar fr\u00e5 nettbutikken. Det er difor ikkje n\u00f8dvendigvis vossingane som har f\u00e5tt tak i desse draktene.<\/p>\n

I staden g\u00e5r det mykje i Umbro sitt retrokit og den offisielle VM-ballen.<\/p>\n

Kjetil og Toni legg ikkje skjul p\u00e5 at dei gjerne skulle hatt meir \u00e5 selja.<\/p>\n

\u2013 Hadde me kunna, hadde me moka ut VM-drakter. Problemet ligg hj\u00e5 leverand\u00f8ren. Me har pr\u00f8vd \u00e5 f\u00e5 tak i s\u00e5 mykje som mogleg, men Noreg er tydelegvis ikkje stort nok til \u00e5 verta prioritert. Dei prioriterer heller kanskje \u00e5 senda ting til USA enn til Noreg, seier Lindebrekk.<\/p>\n

Tomt etter Voss Cup<\/p>\n

Hos S. Endeve Sport har situasjonen vore den same.<\/p>\n

Andrii Yevgrafov fortel at draktsalet eksploderte under fotballturneringa f\u00f8rre helg.<\/p>\n

\u2013 Me hadde stor p\u00e5gang og selde veldig mykje under Voss Cup. Me hadde inne alle storleikar, men no er det heilt tomt for den offisielle VM-drakta. P\u00e5 sundag selde me ut den aller siste, seier Yevgrafov.<\/p>\n

\"\"<\/p>\n

Andrii Yevgrafov visar fram utvalget av VM-drakter hj\u00e5 S.Endeve Sport.
\n Foto: Jakob Astrup Sj\u00f8tun\n <\/p>\n

Butikken f\u00f8rebudde seg godt og bestilte inn retrodrakter d\u00e5 dei visste at etterspurnaden ville bli stor.<\/p>\n

Likevel er dei litt skuffa over at dei ikkje f\u00e5r tilgang p\u00e5 fleire offisielle drakter.<\/p>\n

\u2013 Eg undrar meg over kvifor det ikkje er fleire drakter tilgjengeleg, fortel Stian Horvei hj\u00e5 S. Endeve Sport.<\/p>\n

\u2013 Leverand\u00f8rane er tekne p\u00e5 senga<\/p>\n

Ein av dei som gjerne skulle hatt tak i drakt er Malin Bruu.<\/p>\n

Ho er p\u00e5 utkikk etter eit eksemplar til den store VM-anledninga neste fredag, d\u00e5 Noreg m\u00f8ter Frankrike.<\/p>\n

Butikktilsett Andrii Yevgrafov meiner sportsgigantane har bomma p\u00e5 logistikken:<\/p>\n

\u2013 Nike burde laga mykje fleire drakter, men no er det kanskje for seint. Leverand\u00f8rane er tydeleg tekne p\u00e5 senga etter den store etterspurnaden.<\/p>\n

\"\"<\/p>\n

Malin Bruu skulle gjerne hatt tak i den offisielle VM-drakta.
\n Foto: Jakob Astrup Sj\u00f8tun\n <\/p>\n

Eit billigare alternativ for folk flest<\/p>\n

Inne p\u00e5 Europris m\u00f8ter me Christine og Stina.<\/p>\n

Hum\u00f8ret er p\u00e5 topp etter Noreg sin knallstart p\u00e5 VM mot Irak, natt til onsdag.<\/p>\n

Butikken har seld store mengder VM-effektar til ein folkeleg pris.<\/p>\n

\u2013 Me har selt drakter til 100 kroner, og det har g\u00e5tt veldig mykje av dei. Det er ein pris som passar for alle, slik at alle kan ta del i feiringa, fortel Christine.<\/p>\n

\"\"<\/p>\n

Christine Kvam og Stina Mandelid Nilsen viser fram Europris sine VM-drakter.
\n Foto: Jakob Astrup Sj\u00f8tun\n <\/p>\n

Hopp over karusellen.<\/a><\/p>\n

Innholdskarusell med 20 artikler.<\/p>\n