{"id":40326,"date":"2025-09-20T09:08:18","date_gmt":"2025-09-20T09:08:18","guid":{"rendered":"https:\/\/www.europesays.com\/no\/40326\/"},"modified":"2025-09-20T09:08:18","modified_gmt":"2025-09-20T09:08:18","slug":"norsk-utviklar-ute-med-sitt-andre-spel-har-selt-forbausande-lite","status":"publish","type":"post","link":"https:\/\/www.europesays.com\/no\/40326\/","title":{"rendered":"Norsk utviklar ute med sitt andre spel: \u2013 Har selt forbausande lite"},"content":{"rendered":"

Etter 20 \u00e5r som produktutviklar hos Laerdal Medical bestemte Sigmund H\u00f8ien<\/strong> (52) seg for \u00e5 gjere noko nytt. <\/p>\n

Han sat seg p\u00e5 skulebenken, omskolerte seg til realfagsl\u00e6rar og fekk jobb p\u00e5 St. Olavs videreg\u00e5ende skole i Stavanger.<\/a><\/p>\n

Sidan ungdommen har han hatt ein liten draum om \u00e5 utvikle eigne spel p\u00e5 fritida.<\/p>\n

I 2023 realiserte han denne draumen med g\u00e5tespelet Pure Logic<\/a>, og i sommar landa draumeprosjekt nummer to p\u00e5 Steam: Mirrors of Epiphany<\/a>. <\/p>\n

Det har ikkje g\u00e5tt heilt slik han s\u00e5g for seg. <\/p>\n

\u2013 Eg har selt forbausande lite. Det er overraskande, seier han. <\/p>\n

Flopp \u2013 utan at det gjer noko<\/p>\n

Pure Logic selde rundt i underkant av 2700 eksemplar. <\/p>\n

H\u00f8ien har gitt Gamer.no fullt innsyn i korleis det faktisk har g\u00e5tt med det minimalistiske g\u00e5tespelet om logiske portar. <\/p>\n

Det er heller sjeldan at utviklarar er opne om dette. <\/p>\n

Spelet lanserte 24. april 2023. 1827 personar hadde det p\u00e5 si Steam-\u00f8nskeliste, og per dags dato har han selt 2658 eksemplar. <\/p>\n

Ein stor andel av kj\u00f8parane har hatt spelet p\u00e5 si \u00f8nskeliste, men \u00f8nskelista har likevel vakse til 3471. <\/p>\n

Det er klart flest amerikanarar som har kj\u00f8pt spelet. Noreg ligg p\u00e5 ein 14. plass med heller slappe 41 sal. <\/p>\n

Den norske prisen er 69 kroner. I snitt er meirverdiavgifta p\u00e5 tolv prosent blant landa det seljast i, og deretter tar Steam 30 prosent av kaka. <\/p>\n

Mange av sala skjer ogs\u00e5 under kampanjar, og d\u00e5 gjerne til alt fr\u00e5 50 til 70 prosent rabatt. <\/p>\n

Til slutt skal Skatteetaten har sitt. Det er med andre ord ikkje all verda han sit igjen med. <\/p>\n

Drahjelp av erfaring? <\/p>\n

Pure Logic treff ein heller smal nisje, men i og med at han d\u00e5 var totalt ukjend, trudde H\u00f8ien det ville bli lettare \u00e5 n\u00e5 ut med Mirrors of Epiphany. <\/p>\n

Spelet handlar om \u00e5 bruke speglar til \u00e5 dirigere laserar og slik l\u00f8yse oppg\u00e5ver. Det er 100 niv\u00e5 i spelet. <\/p>\n

\u2013 Nokon skyr l\u00e6rerike spel som pesten, men det er ein del nerdete typar som likar slikt, seier H\u00f8ien. <\/p>\n

<\/p>\n

<\/p>\n

<\/a><\/p>\n

Mirrors of Epiphany er eit enkelt g\u00e5tespel.<\/p>\n

Forel\u00f8pig har det nye spelet, som lanserte i juli, selt under 100 eksemplar. <\/p>\n

Faktisk er det snakk om knappe 62. \u00c9itt sal er i Noreg. <\/strong><\/p>\n

H\u00f8ien tar ikkje det s\u00e5 tungt. Han utviklar spel p\u00e5 hobbybasis, og har ikkje dei store kommersielle ambisjonane. <\/p>\n

\u2013 Eg gjer dette fordi det er kjekt. Det er ingen krise, men eg trudde vel at dette skulle appellere til fleire enn Pure Logic gjorde. <\/p>\n

\u2013 Utruleg gira<\/p>\n

Me pratar p\u00e5 telefon mens han k\u00f8yrer heim i rushet fr\u00e5 Stavanger til bustaden i Klepp, og engasjementet og lidenskapen hans for utviklinga er lett \u00e5 h\u00f8yre.<\/p>\n

Refleksjonane rundt utviklinga fossar ut av han. <\/p>\n

\u2013 Det er ingen \u00f8konomi i dette. Eg har f\u00e5tt inn nok til at eg m\u00e5 justere litt p\u00e5 sj\u00f8lvmeldinga, men det er \u00e5 vere l\u00e6rar som er jobben min. Dette er for moro. <\/p>\n

<\/p>\n

<\/p>\n

<\/a><\/p>\n

H\u00f8ien tviler p\u00e5 at han nokosinne kan leve av dataspel, men det er heller ikkje noko \u00f8nske.<\/p>\n

Mikkjell L\u00f8nning\/Gamer.no\n <\/p>\n

To \u00e5r har g\u00e5tt sidan lanseringa av Pure Logic, men han ser for seg ei betydeleg kortare utviklingstid for neste prosjekt. <\/p>\n

Lista over idear p\u00e5 notatblokka er nemleg lang. <\/p>\n

Med meir erfaring er neste runde lettare. <\/p>\n

\u2013 Eg er utruleg gira p\u00e5 neste id\u00e9, s\u00e5 eg h\u00e5per \u00e5 lansere noko allereie p\u00e5 v\u00e5ren. Eg har s\u00e5 lyst \u00e5 kome i gang med prosjekt nummer fire, og derfor kan ikkje det tredje spelet ta altfor lang tid, seier han. <\/p>\n

Vanskeleg \u00e5 n\u00e5 ut<\/p>\n

Det har ikkje blitt den heilt store marknadsf\u00f8ringsinnsatsen. <\/p>\n

Tanken var at Mirrors of Epiphany skulle kome n\u00e5r det var klart, men det var spesielt ein tyskar i Discord-gruppa hans som ampa veldig p\u00e5 ein lanseringsdato. <\/p>\n

I etterkant ser H\u00f8ien at ei lansering midt i fellesferien kanskje ikkje var det aller luraste. <\/p>\n

<\/p>\n

<\/p>\n

<\/a><\/p>\n

Berre 7,5 prosent har refundert Pure Logic p\u00e5 Steam. Det er lite. 17.5 prosent av spelarane har fullf\u00f8rt heile spelet, og totalt har spelarar klokka inn 17.000 timar. Det syns H\u00f8ien er veldig g\u00f8y.<\/p>\n

Mikkjell L\u00f8nning\/Gamer.no\n <\/p>\n

\u2013 Det var i alle fall slik det blei. Men tida g\u00e5r s\u00e5 enormt fort n\u00e5r ting skal ut. Eg g\u00f8nna p\u00e5 ved starten av sommarferien, og dagane og vekene berre forsvann. <\/p>\n

Spelet er ikkje heilt slik han vil ha det, s\u00e5 det kjem oppdateringar og moglegvis ei st\u00f8rre omlegging til full 3D p\u00e5 sikt. <\/p>\n

Usikker p\u00e5 vegen vidare <\/p>\n

Den store oppg\u00e5va blir \u00e5 velje ut kva id\u00e9 han skal satse p\u00e5 for det tredje spelet. <\/p>\n

\u2013 Eg har sjukt mange idear som eg brenn inne med. Det er vanskeleg \u00e5 plukke ut det rette prosjektet blant desse. <\/p>\n

Han har silt det ned til to-tre potensielle spel. <\/p>\n

<\/p>\n