{"id":44542,"date":"2025-09-25T08:15:07","date_gmt":"2025-09-25T08:15:07","guid":{"rendered":"https:\/\/www.europesays.com\/no\/44542\/"},"modified":"2025-09-25T08:15:07","modified_gmt":"2025-09-25T08:15:07","slug":"her-blir-sjolvdaud-laks-sortert-som-menneskemat-nrk-vestland","status":"publish","type":"post","link":"https:\/\/www.europesays.com\/no\/44542\/","title":{"rendered":"Her blir sj\u00f8lvdaud laks sortert som menneskemat \u2013 NRK Vestland"},"content":{"rendered":"<p>\u2013 Dette er alvorlege brot, seier avdelingsleiar Geir Arne Ystmark i Mattilsynet.<\/p>\n<p>Livlaus laks l\u00e5g p\u00e5 botnen av Mowi sitt oppdrettsanlegg for to veker sidan.<\/p>\n<p>Verdas st\u00f8rste oppdrettsselskap hadde problem med fisken utanfor Endal i Nordfjord.<\/p>\n<p>Ein s\u00e5kalla bl\u00f8ggeb\u00e5t hadde blitt hyra inn for \u00e5 avlive fisk ved anlegget.<\/p>\n<p>Den var i full sving d\u00e5 Mattilsynet kom p\u00e5 umeldt inspeksjon 10. september.<\/p>\n<p>Mattilsynet s\u00e5g at nesten all fisken som vart pumpa om bord, var utan livsteikn.<\/p>\n<p>Likevel vart fisken sortert som mat til menneske \u2013 rett framfor auga p\u00e5 inspekt\u00f8rane.<\/p>\n<p><strong>Mattilsynet gjorde hastevedtak med forbod mot slakting og omsetning.<\/strong><\/p>\n<p>\u2013 Sj\u00f8lvdauda fisk skal ikkje inn i matkjeda. Dette handlar om risiko og bakterievekst p\u00e5 fisken, seier Ystmark.<\/p>\n<p>Kom p\u00e5 umeldt kontroll<\/p>\n<p>Denne m\u00e5naden har Mattilsynet reist p\u00e5 umeldt aksjon langs norskekysten. M\u00e5let var mellom anna \u00e5 inspisere slakteb\u00e5tar som avlivar fisk p\u00e5 merdekanten.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"En gruppe fisk i et akvarium\" title=\"Foto: Mattilsynet\"\/><\/p>\n<p class=\"\">I Austrheim vart restar av kadaver pumpa om bord i slakteb\u00e5ten.<\/p>\n<p>Foto: Mattilsynet<\/p>\n<p>P\u00e5 to av fire b\u00e5tar fant Mattilsynet alvorlege brot p\u00e5 regelverket, dette var ved:<\/p>\n<ul>\n<li>Mowi sitt anlegg Endal Vest i Bremanger i Nordfjord.<\/li>\n<li>Kobbevik og Furuholmen sitt anlegg \u00d8ksneset i Austrheim i Nordhordland.<\/li>\n<\/ul>\n<p>Hos Mowi reagerte Mattilsynet sine inspekt\u00f8rar umiddelbart.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"Geir Arne Ystmark\" title=\"\"\/><\/p>\n<p class=\"no-credit\">Geir Arne Ystmark i Mattilsynet.<\/p>\n<p><strong>\u00abSlik fisk reknar Mattilsynet som d\u00f8d. I beste fall observerte vi \u00f8rlite teikn til liv p\u00e5 sju-\u00e5tte fisk\u00bb, skriv dei i hastevedtaket.<\/strong><\/p>\n<p>Mattilsynet sine inspekt\u00f8rar f\u00f8lgde med p\u00e5 sortering av 59 fisk. Berre tre fiskar vart kasta vekk.<\/p>\n<p>\u2013 Tilsynet v\u00e5rt p\u00e5 disse b\u00e5tane viser at det ikkje var gode nok rutinar eller oppl\u00e6ring, seier Ystmark i Mattilsynet.<\/p>\n<p>Mattilsynet: Mowi har ansvar<\/p>\n<p>Mowi legg skulda p\u00e5 selskapet som eig bl\u00f8ggeb\u00e5ten.<\/p>\n<p>Les svaret fr\u00e5 bl\u00f8ggeb\u00e5t-selskapet lenger nede i saka.<\/p>\n<p>\u2013 Vi ser sv\u00e6rt alvorleg p\u00e5 funna. Det er totalt uakseptabelt om sj\u00f8lvdauda fisk ikkje har blitt sortert ut, skriv kommunikasjonsdirekt\u00f8r i Mowi, Ola Helge Hjetland til NRK.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"en bro over en vannmasse\" title=\"Foto: Odin Otnes Austring \/ NRK\"\/><\/p>\n<p class=\"\">Det var her ved Mowi sitt anlegg at Mattilsynet slo til.<\/p>\n<p>Foto: Odin Otnes Austring \/ NRK<\/p>\n<p>Mowi skriv at dei har stansa bruken av fart\u00f8yet og leverand\u00f8ren inntil vidare.<\/p>\n<p>Men if\u00f8lge Mattilsynet har Mowi sj\u00f8lv eit stort ansvar i saka. Dei skal fjerne d\u00f8d fisk f\u00f8r slakteb\u00e5ten kjem.<\/p>\n<p><strong>Bileta til Mattilsynet viser mengder av livlaus fisk i botnen av merd p\u00e5 anlegget. Mowi seier p\u00e5 si side at anlegget var t\u00f8mt for d\u00f8dfisk f\u00f8r \u00aboperasjonen\u00bb.<\/strong><\/p>\n<p>\u2013 Kan ikkje det forventast at Mowi har full kontroll p\u00e5 alle sider av produksjonen sin?<\/p>\n<p>\u2013 Mowi forventar at v\u00e5re leverand\u00f8rar opererer i samsvar med gjeldande reglar, skriv Hjetland.<\/p>\n<p>\u2013 Det er samstundes v\u00e5rt ansvar \u00e5 kontrollere at reglane blir ivaretekne, i dette tilfellet burde vi openbert ha f\u00f8lgt betre opp, legg han til.<\/p>\n<p>P\u00e5 eiga heimeside reklamerer Mowi med \u00abkvalitet i alle ledd\u00bb og \u00abfull intern kontroll\u00bb.<\/p>\n<p>Sj\u00e5 lengre svar fr\u00e5 akt\u00f8rane nede i saka.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"Ola Helge Hjetland\" title=\"Foto: Lidvard Sandven\"\/><\/p>\n<p class=\"\">Ola Helge Hjetland i Mowi.<\/p>\n<p>Foto: Lidvard Sandven<\/p>\n<p>Erkjenner feil<\/p>\n<p>Ronny Larsen er dagleg leiar i Sj\u00f8produkt. Dette er selskapet som driv den aktuelle bl\u00f8ggeb\u00e5ten, \u00abS\u00f8lvfisken\u00bb.<\/p>\n<p>Han er einig i at det vart gjort feil d\u00e5 Mattilsynet var p\u00e5 tilsyn.<\/p>\n<p>\u2013 Ingen av desse fiskane vart omsett til humant konsum, skriv Larsen.<\/p>\n<p>Fisken vart \u00abdestruert i samr\u00e5d med Mattilsynet\u00bb, p\u00e5peikar han.<\/p>\n<p>Praksisen til mannskapet om bord var \u00e5 sjekke om fisken bl\u00f8dde etter bed\u00f8ving. Dette er ein \u00abindikasjon p\u00e5 at hjartepumpa framleis fungerer\u00bb if\u00f8lge Larsen.<\/p>\n<p>\u2013 Mattilsynet har p\u00e5peikt at det m\u00e5 vere fleire kriterium til stades, og her er vi einige, seier han. <\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"Et skilt p\u00e5 en vei\" title=\"Foto: Odin Otnes Austring \/ NRK\"\/><\/p>\n<p class=\"\">Anlegget ligg i Bremanger kommune i Nordfjord.<\/p>\n<p>Foto: Odin Otnes Austring \/ NRK<\/p>\n<p>Mattilsynet blir ikkje betrygga<\/p>\n<p>Alle dei involverte selskapa seier at sj\u00f8lvdauda fisk uansett blir sortert ut p\u00e5 slakteriet, og at det ikkje blir til menneskemat.<\/p>\n<p>NRK har spurt korleis det er mogleg \u00e5 finne igjen ein sj\u00f8lvd\u00f8d fisk inne p\u00e5 eit slakteri.<\/p>\n<p>\u2013 Kvalitetskontrollen blir gjennomf\u00f8rt ved visuell inspeksjon av utbl\u00f8dning, gjelle-farge, augar, skinnfarge og konsistens\/spenst i fisken, if\u00f8lge Mowi.<\/p>\n<p><strong>Mattilsynet meiner dette ikkje er tryggande:<\/strong><\/p>\n<p>\u2013 Det er vanskeleg \u00e5 skilje mellom fisk som var levande ved slakting, og fisk som allereie var d\u00f8d.<\/p>\n<p>Restar av kadaver<\/p>\n<p>Ogs\u00e5 i Austevoll erkjenner den daglege leiaren for Kobbevik og Furuholmen Oppdrett, Ingebrigt Landa, at det var gjort feil under tilsynet.<\/p>\n<p>Landa er oppf\u00f8rt som dagleg leiar b\u00e5de for oppdrettsselskapet og Thermo Service AS, som driv bl\u00f8ggeb\u00e5ten \u00abHordabas\u00bb.<\/p>\n<p>Ikkje mykje av den livlause fisken vart sortert bort. I tillegg reagerer Mattilsynet p\u00e5 at kadaverrestar vart pumpa om bord fr\u00e5 merden.<\/p>\n<p>Landa seier at oppl\u00e6ringa har vore for d\u00e5rleg.<\/p>\n<p><strong>\u2013 Dette tar reiarlaget sj\u00f8lvkritikk p\u00e5, seier han.<\/strong><\/p>\n<p>Begge slakteb\u00e5tane har no f\u00e5tt tilbake l\u00f8yva for \u00e5 slakte og omsetje fisk. <\/p>\n<p>Men Mattilsynet har gitt \u00abf\u00f8ringar om ikkje pumpe fisk fr\u00e5 botn av merd, der det blir samling av d\u00f8dfisk. I tillegg er det gitt f\u00f8ringar for \u00e5 sikre betre kontroll og sortering.\u00bb<\/p>\n<p>F\u00e5 tilsyn av slakteb\u00e5tar<\/p>\n<p>Ogs\u00e5 for to \u00e5r sidan fortalde NRK om sjuk og sj\u00f8lvdau laks p\u00e5 veg til forbrukarane.<\/p>\n<p>Konsekvensen var <a href=\"https:\/\/kystrederiene.no\/retningslinje-for-slaktebater-nodslakt\/\" ec-id=\"https:\/\/kystrederiene.no\/retningslinje-for-slaktebater-nodslakt\/\" ec-name=\"bransjeretningslinj\" rel=\"nofollow noopener\" target=\"_blank\">bransjeretningslinj<\/a><a href=\"http:\/\/kystrederiene.no\/retningslinje-for-slaktebater-nodslakt\/\" ec-id=\"http:\/\/kystrederiene.no\/retningslinje-for-slaktebater-nodslakt\/\" ec-name=\"er\" rel=\"nofollow noopener\" target=\"_blank\">er<\/a> for \u00e5 unng\u00e5 fleire tilfelle. Tilsynet i \u00e5r viste at reglane framleis blir brotne, meiner Mattilsynet.<\/p>\n<p><img decoding=\"async\"   src=\"data:image\/gif;base64,R0lGODlhAQABAIAAAAAAAP\/\/\/yH5BAEAAAAALAAAAAABAAEAAAIBRAA7\" loading=\"eager\" alt=\"Fisk\" title=\"Foto: Mattilsynet\"\/><\/p>\n<p class=\"\">I \u00d8ksneset la Mattilsynet merke til at vatnet fr\u00e5 merden lukta unormalt og var grumsete.<\/p>\n<p>Foto: Mattilsynet<\/p>\n<p>Dei seier det er utfordrande \u00e5 f\u00f8lgje med.<\/p>\n<p><strong>Inspeksjonane i september var fyrste gang sidan 2023 dei kontrollerte slakting p\u00e5 merdekanten. I fjor var Mattilsynet ogs\u00e5 p\u00e5 tokt, men fann ingen slakteb\u00e5tar i aksjon.<\/strong><\/p>\n<p>\u2013 Det er utfordrande for Mattilsynet \u00e5 f\u00f8lge med p\u00e5 slakting om bord p\u00e5 slakteb\u00e5tar. Vi veit ofte ikkje n\u00e5r og kor b\u00e5tane slaktar, eller kor fisken blir levert. I tillegg flyttar b\u00e5tane seg heile tida. M\u00e5let er \u00e5 finne ei l\u00f8ysing som gjer det mogleg \u00e5 f\u00f8lge fisken fr\u00e5 slakting til levering p\u00e5 land, seier Ystmark i Mattilsynet.<\/p>\n<p>Svar fr\u00e5 Mowi<\/p>\n<p>Vi ser sv\u00e6rt alvorleg p\u00e5 funna som Mattilsynet gjorde i samband med tilsyn hos ein av underleverand\u00f8rane v\u00e5re. Det er totalt uakseptabelt om sj\u00f8lvd\u00f8d fisk ikkje har blitt sortert ut.<\/p>\n<p>Vi st\u00f8ttar oss p\u00e5 Mattilsynets vurdering i denne saka. Mowi krev at leverand\u00f8rane v\u00e5re f\u00f8lgjer alle forskrifter og relevante retningslinjer.<\/p>\n<p>Det blir feil av oss \u00e5 spekulere i \u00e5rsaksforholda p\u00e5 noverande tidspunkt. Mowi forventar at leverand\u00f8rane v\u00e5re opererer i samsvar med gjeldande reglar og retningslinjer. Dette er kontraktfesta i avtalane v\u00e5re, og vi ser alvorleg p\u00e5 eventuelle brot.<\/p>\n<p>Mowi vil setje i gang eigne unders\u00f8kingar for \u00e5 forhindre at dette kan skje igjen. Bruk av det aktuelle fart\u00f8yet og andre fart\u00f8y fr\u00e5 denne leverand\u00f8ren er innstilt inntil vidare.<\/p>\n<p>Anlegget var t\u00f8mt for d\u00f8dfisk f\u00f8r operasjonen starta i samsvar med prosedyrane.<\/p>\n<p>Forbrukarar og styresmakter skal vere trygge p\u00e5 at Mowi produserer sunn og trygg laks av h\u00f8g kvalitet. Produktkvaliteten og mattryggleiken blir vareteken gjennom ei rekkje kontrolledd f\u00f8r fisken hamnar i butikken. Fisken det her er snakk om, vart aldri sendt til slakteri. Den vart destruert p\u00e5 staden. Dersom fisken hadde blitt levert til slakteri, ville den ha g\u00e5tt gjennom kvalitetskontroll, og sj\u00f8lvd\u00f8d fisk hadde blitt sortert ut.<\/p>\n<p>Denne leverand\u00f8ren er sertifisert og godkjend av Mattilsynet for \u00e5 gjennomf\u00f8re denne typen operasjonar. Det er samtidig v\u00e5rt ansvar \u00e5 kontrollere at reglane blir varetekne av leverand\u00f8rane v\u00e5re. I dette tilfellet burde vi openbert ha f\u00f8lgt dette betre opp.<\/p>\n<p>Kvalitetskontrollen blir gjennomf\u00f8rt ved visuell inspeksjon av utbl\u00f8ding, gjelle-farge, augnar, skinnfarge og konsistens\/spenst i fisken.<\/p>\n<p>Mowi tek hendinga p\u00e5 st\u00f8rste alvor, og har sett i gang eigne unders\u00f8kingar for \u00e5 ta l\u00e6rdom slik at dette ikkje skal skje igjen. Bruk av det aktuelle fart\u00f8yet og andre b\u00e5tar fr\u00e5 denne leverand\u00f8ren er innstilt inntil vidare. Fiskevelferd, produktkvalitet og trygg mat har v\u00e5r h\u00f8gaste prioritet.<\/p>\n<p>Svar fr\u00e5 Sj\u00f8produkt<\/p>\n<p>Vi er einige i at det vart gjort feil under ein operasjon p\u00e5 \u00abS\u00f8lvfisken\u00bb d\u00e5 Mattilsynet var p\u00e5 tilsyn, og dette er tatt tak i.<\/p>\n<p>Vi vil samstundes understreke at det var og er p\u00e5 plass barrierar og prosedyrar p\u00e5 b\u00e5t og i fabrikk som sikrar at sj\u00f8lvd\u00f8d fisk ikkje vert menneskemat. Dette gjeld ogs\u00e5 i dette h\u00f8vet. Ingen av desse fiskane vart omsett til humant konsum, men destruert i samr\u00e5d med Mattilsynet.<\/p>\n<p>Vi vil \u00f2g p\u00e5peike at \u00abS\u00f8lvfisken\u00bb i l\u00f8pet av kort tid vart klarert av Mattilsynet for b\u00e5de omsetning og slakt att.<\/p>\n<p>Alle fiskane det er snakk om i denne saka, vart oppfatta \u00e5 ha god utbl\u00f8dning, som ofte tolkast som ein indikasjon p\u00e5 at hjartepumpa framleis fungerer og som er ein viktig f\u00f8resetnad for fisk som skal slaktast.<br \/>Mattilsynet har p\u00e5peikt at det m\u00e5 vere fleire kriteteriar til stades, og her er vi einige.<\/p>\n<p>Korrigerande tiltak er betre sjekklister med kriterium som m\u00e5 vere til stades under operasjonen.<\/p>\n<p>Overordna er prosessen slik:<\/p>\n<ol>\n<li>D\u00f8dfisk vert fjerna f\u00f8r oppstart (anlegg)<\/li>\n<li>Fisk vert sortert p\u00e5 mottaksbord f\u00f8r bl\u00f8gging (fabrikk p\u00e5 b\u00e5t)<\/li>\n<li>Fisk vert sortert p\u00e5 slakteri med kvalitetskontroll -&gt; alt vert klassa som produksjonsfisk til vidare bearbeiding og kvalitetskontroll (slakteri land)<\/li>\n<li>Fisk vert feilretta p\u00e5 bearbeiding med kvalitetskontroll (vidarefordeling land)<\/li>\n<\/ol>\n<p>Om det skulle skje ein glipp p\u00e5 fabrikk i b\u00e5t, s\u00e5 vil dette bli plukka opp og retta opp i p\u00e5 slakteri, og vidare p\u00e5 bearbeiding. Det er derfor 3 kvalitetsbarrierar.<\/p>\n<p>V\u00e5re kundar skal forvente at vi opererer i tr\u00e5d med regelverket og godkjenning. Her har det blitt avdekka eit avvik hj\u00e5 oss, som no har blitt retta opp i.<\/p>\n<p>Sj\u00f8lvd\u00f8d fisk skal sorterast ut, og ikkje omsetjast. For \u00e5 eliminere all tvil s\u00e5 vart den omtala fisken destruert.<\/p>\n<p>Svar fr\u00e5 Thermo Service og Kobbevik og Furuholmen<\/p>\n<p>Vi ser at det blei gjort feil d\u00e5 Mattilsynet var p\u00e5 tilsyn p\u00e5 \u00abHordabas\u00bb under ein operasjon ved eit anlegg. Vi har umiddelbart tatt tak i dette, styrka oppl\u00e6ringa og tydeliggjort prosedyrane, slik at slike feil ikkje skal skje igjen. \u00abHordabas\u00bb blei etter f\u00e5 dagar klarert for b\u00e5de slakt og omsetning.<\/p>\n<p>Vi ser at her at det her var komme med fisk i lasten som ikkje skulle vore med, noko vi meiner kjem av for d\u00e5rleg oppl\u00e6ring av dei tilsette. Dette tar reiarlaget sj\u00f8lvkritikk p\u00e5 og innser at vi m\u00e5 ha betre oppl\u00e6ring og rutinar for dei tilsette. Men sj\u00f8lv om det var komme med fisk som normalt skulle g\u00e5tt til utkast, s\u00e5 ville denne fisken blitt sortert ut p\u00e5 slakteriet som bed\u00f8mmer kvalitet og sortering f\u00f8r den blir sendt ut til konsum.<\/p>\n<p>Vi vil f\u00f8lge opp mot Mattilsynet og fremme n\u00f8dvendige tiltak og oppl\u00e6ring slik at b\u00e5t og mannskap heile tida opererer under gjeldande regelverk for denne type verksemd.<\/p>\n<p>Utover dette s\u00e5 har vi ingen kommentarar og reknar oss som ferdig med denne saka.<\/p>\n<p>NRK har spurt korleis dei kan identifisere sj\u00f8lvd\u00f8d fisk seinare i prosessen, utan \u00e5 f\u00e5 svar.<\/p>\n<p>    Hei!<\/p>\n<p>Takk for at du leste saka. Har du tips eller innspel til denne eller andre saker om oppdrett? Ta gjerne kontakt p\u00e5 e-post eller Signal +47 95258167<\/p>\n<p>Publisert<\/p>\n<p>25.09.2025, kl. 09.36<\/p>\n","protected":false},"excerpt":{"rendered":"\u2013 Dette er alvorlege brot, seier avdelingsleiar Geir Arne Ystmark i Mattilsynet. Livlaus laks l\u00e5g p\u00e5 botnen av&hellip;\n","protected":false},"author":2,"featured_media":44543,"comment_status":"","ping_status":"","sticky":false,"template":"","format":"standard","meta":{"footnotes":""},"categories":[5],"tags":[20,21,24,25,15,19,22,23,17,18,13,30,28,29,14,16,26,27],"class_list":{"0":"post-44542","1":"post","2":"type-post","3":"status-publish","4":"format-standard","5":"has-post-thumbnail","7":"category-overskrifter","8":"tag-breaking-news","9":"tag-breakingnews","10":"tag-featured-news","11":"tag-featurednews","12":"tag-headlines","13":"tag-hovedoppslag","14":"tag-latest-news","15":"tag-latestnews","16":"tag-main-news","17":"tag-mainnews","18":"tag-news","19":"tag-no","20":"tag-norge","21":"tag-norway","22":"tag-nyheter","23":"tag-overskrifter","24":"tag-top-stories","25":"tag-topstories"},"share_on_mastodon":{"url":"","error":""},"_links":{"self":[{"href":"https:\/\/www.europesays.com\/no\/wp-json\/wp\/v2\/posts\/44542","targetHints":{"allow":["GET"]}}],"collection":[{"href":"https:\/\/www.europesays.com\/no\/wp-json\/wp\/v2\/posts"}],"about":[{"href":"https:\/\/www.europesays.com\/no\/wp-json\/wp\/v2\/types\/post"}],"author":[{"embeddable":true,"href":"https:\/\/www.europesays.com\/no\/wp-json\/wp\/v2\/users\/2"}],"replies":[{"embeddable":true,"href":"https:\/\/www.europesays.com\/no\/wp-json\/wp\/v2\/comments?post=44542"}],"version-history":[{"count":0,"href":"https:\/\/www.europesays.com\/no\/wp-json\/wp\/v2\/posts\/44542\/revisions"}],"wp:featuredmedia":[{"embeddable":true,"href":"https:\/\/www.europesays.com\/no\/wp-json\/wp\/v2\/media\/44543"}],"wp:attachment":[{"href":"https:\/\/www.europesays.com\/no\/wp-json\/wp\/v2\/media?parent=44542"}],"wp:term":[{"taxonomy":"category","embeddable":true,"href":"https:\/\/www.europesays.com\/no\/wp-json\/wp\/v2\/categories?post=44542"},{"taxonomy":"post_tag","embeddable":true,"href":"https:\/\/www.europesays.com\/no\/wp-json\/wp\/v2\/tags?post=44542"}],"curies":[{"name":"wp","href":"https:\/\/api.w.org\/{rel}","templated":true}]}}