{"id":55378,"date":"2025-10-08T08:31:20","date_gmt":"2025-10-08T08:31:20","guid":{"rendered":"https:\/\/www.europesays.com\/no\/55378\/"},"modified":"2025-10-08T08:31:20","modified_gmt":"2025-10-08T08:31:20","slug":"oslopressa-si-nedsnakking-av-dette-viktige-prosjektet-har-vore-sterk-og-unyansert","status":"publish","type":"post","link":"https:\/\/www.europesays.com\/no\/55378\/","title":{"rendered":"\u00abOslopressa si nedsnakking av dette viktige prosjektet har vore sterk og unyansert\u00bb"},"content":{"rendered":"

Medan vi ventar p\u00e5 forslaget til statsbudsjett fr\u00e5 regjeringa<\/p>\n

Det er alltid stor spenning til det som kjem i forslaget til statsbudsjett fr\u00e5 regjeringa. For Sogn og Fjordane N\u00e6ringsr\u00e5d er det s\u00e6rleg E39 Storehaugen-F\u00f8rde og Stad skipstunnel det knyter seg mest spenning til denne gongen.<\/p>\n

For E39 Storehaugen-F\u00f8rde er det gode signal om at dette er eit prioritert prosjekt, s\u00e5 her m\u00e5 det leggast fullt press p\u00e5 at det skal kome oppstartsl\u00f8yving i statsbudsjettet for 2026, og at prosessane med bompengeproposisjon og siste runde med kvalitetssikring kan gjennomf\u00f8rast s\u00e5 snart som r\u00e5d.<\/p>\n

For Stad skipstunnel er situasjonen langt meir alvorleg. Her veit ein at kostnadane ligg over det som Stortinget har vedteke, og dermed m\u00e5 saka tilbake til Stortinget. Signala fr\u00e5 sentrale politikarar i valkampen er heller ikkje gode.<\/p>\n

Slik eg ser det har oslopressa si \u00abhetsing\u00bb av dette viktige prosjektet p\u00e5 kysten vore sterk og unyansert ogs\u00e5 denne gongen. Det er mykje som tyder p\u00e5 at det er no eller aldri for Stad skipstunnel. Derfor trengst det full mobilisering allereie f\u00f8r statsbudsjettet blir lagt fram og heilt fram til endeleg vedtak i Stortinget i november\/desember.<\/p>\n

Sogn og Fjordane N\u00e6ringsr\u00e5d har engasjert seg i bygging av Stad skipstunnel i ulike samanhengar sidan vi vart skipa i 2016. Ved sist rullering av NTP var Stad skipstunnel eit prioritert prosjekt p\u00e5 kysten.<\/p>\n

Det var ogs\u00e5 eit av prosjekta som Vestland fylkeskommune, Bergen N\u00e6ringsr\u00e5d, LO, NHO, Bergen kommune og Sogn og Fjordane N\u00e6ringsr\u00e5d stod saman om i innspurten av arbeidet med NTP p\u00e5 Stortinget v\u00e5ren 2024.<\/p>\n

\"\"\/ Vil gjere gull av tunnelstein \u2013 kan bli hundrevis av arbeidsplassar <\/a> Kostnadane med bygging av Stad skipstunnel<\/p>\n

Hovudgrunnen til at det no er stor uro rundt bygginga av Stad skipstunnel er at kostnadane ligg over det som Stortinget sette som ramme. Det er ogs\u00e5 mykje som tyder p\u00e5 at Kystverket ikkje f\u00e5r fullf\u00f8rt forhandlingane med entrepren\u00f8rane som har kome med anbod p\u00e5 bygging av tunnelen.<\/p>\n

Det er eit alvorleg signal om kva som kan kome i forslaget til statsbudsjett og det skapar usikkerheit om kva som er den endelege prisen p\u00e5 prosjektet.<\/p>\n

Kostnadsauken for Stad skipstunnel er verken ny eller ukjend, og den er heller ikkje dramatisk sett opp mot det som er generell prisstiging i anleggssektoren. S\u00e6rleg stor har kostnadsauken vore med masseflytting, og det er det mykje av p\u00e5 Stad skipstunnel.<\/p>\n

Stortinget vedtok bygging av Stad skipstunnel i mai 2021 med ei kostnadsramme p\u00e5 4.09 mrd. kroner inkl. mva. Den har seinare blitt indeksregulert til 5.06 mrd. 2024 kroner inkl. mva.
\nD\u00e5 Stortinget handsama Prop. 1 S (2023\u20132024) heiter det mellom anna:<\/p>\n

Kostnadsramma er l\u00e5gare enn Kystverkets oppdaterte kostnads- og usikkerheitsanalyse som estimerer ein forventa kostnad (P50) p\u00e5 5 652 mill. kroner og ein kostnadsramme (P85) p\u00e5 7 132 mill. kroner, jf. Omtale i Prop. 118 S (2022\u20132023)<\/p>\n

Det siste kjende talet p\u00e5 kostnader for bygging av Stad skipstunnel er fr\u00e5 2023, og her er kostnadane oppjustert til 7,132 mrd. kroner inkl. mva. Ei vidare oppjustering i h\u00f8ve til generell prisstigning m\u00e5 ogs\u00e5 kunne leggast inn for Stad skipstunnel.<\/p>\n

N\u00e5r ein ser dette opp mot dei store overskridingane som mange samferdsleprosjekt p\u00e5 Austlandet har hatt siste \u00e5ra er det heller ingen grunn til \u00e5 vere beskjeden her i Vest.<\/p>\n

Dette er henta fr\u00e5 rapporten \u00abBlei Vestlandet lurt\u00bb fr\u00e5 Initiativ Vest som kom i sommar:<\/p>\n