{"id":91958,"date":"2025-11-20T13:32:30","date_gmt":"2025-11-20T13:32:30","guid":{"rendered":"https:\/\/www.europesays.com\/no\/91958\/"},"modified":"2025-11-20T13:32:30","modified_gmt":"2025-11-20T13:32:30","slug":"jens-stoltenberg-oppfordrer-nordmenn-i-kobenhavn-til-a-stemme-i-lokalvalget-nrk-urix-utenriksnyheter-og-dokumentarer","status":"publish","type":"post","link":"https:\/\/www.europesays.com\/no\/91958\/","title":{"rendered":"Jens Stoltenberg oppfordrer nordmenn i K\u00f8benhavn til \u00e5 stemme i lokalvalget \u2013 NRK Urix \u2013 Utenriksnyheter og -dokumentarer"},"content":{"rendered":"

\u2013 Nordmenn i K\u00f8benhavn m\u00e5 bruka stemmeretten. Stem p\u00e5 Pernille, stem p\u00e5 Sosialdemokratene, for det er bra for K\u00f8benhavn.<\/strong><\/p>\n

Det seier finansminister Jens Stoltenberg (Ap).<\/p>\n

Sj\u00f8lv om nordmenn er vane med \u00e5 sj\u00e5 han dukka opp i valkampvideoar, er det nok ikkje heilt dagleg kost for danskar.<\/p>\n

Stoltenberg har stilt opp i minst to videoar der han snakkar om det danske lokalvalet. I den eine oppfordrar han til \u00e5 stemma p\u00e5 Pernille Rosenkrantz-Theil<\/a>, i den andre p\u00e5 Jonas Manthey Olsen<\/a>.<\/p>\n

B\u00e5e er p\u00e5 lista til Socialdemokratiet i K\u00f8benhavn i tysdagens lokalval. Klokka 20 stengde vallokala.<\/p>\n

Fordi det er lokalval, er det fleire enn berre danske statsborgarar som har stemmerett.<\/p>\n

\"Jens<\/p>\n

\u2013 Me var heilt \u00e6rleg starstruck d\u00e5 me skulle m\u00f8ta Jens Stoltenberg, skriv den danske politikaren Jonas Manthey Olsen. Her med Stoltenberg og Pernille Rosenkrantz-Theil, som \u00f2g stiller til val for Socialdemokratiet i K\u00f8benhavn.<\/p>\n

Faksimile: @socialdemokratietkbh p\u00e5 Instagram<\/p>\n

Stoltenbergs videobidrag fekk Raudt-politikar M\u00edmir Kristj\u00e1nsson til \u00e5 rykka ut med ein eigen sp\u00f8kefull video \u2013 retta mot islendingar i K\u00f8benhavn.<\/strong><\/p>\n

\u2013 Eg vonar at de stemmer p\u00e5 Enhedslisten. Ikkje h\u00f8yr p\u00e5 Jens Stoltenberg, alt han seier er berre s\u00f8ppel, seier Kristj\u00e1nsson p\u00e5 islandsk.<\/p>\n

Det er knytt store forventingar til det danske lokalvalet, fordi resultatet kan vera ein peikepinn p\u00e5 korleis det vil g\u00e5 i folketingsvalet neste \u00e5r.<\/p>\n

Spesielt i K\u00f8benhavn er mange spente p\u00e5 resultatet, fordi det ser ut til at Socialdemokratiet kan tapa valet etter 122 \u00e5r ved makta.<\/p>\n

Og veljarane g\u00e5r ikkje til h\u00f8gre \u2013 dei g\u00e5r lenger til venstre. <\/strong><\/p>\n

Tvilar p\u00e5 effekten<\/p>\n

Kva synest eigentleg danskane sj\u00f8lve om det dei norske politikarane gjer?<\/p>\n

\u2013 Det kjem ganske overraskande p\u00e5, seier Jens Ringberg, politisk analytikar i DR.<\/p>\n

Han tvilar likevel p\u00e5 at oppfordringane fr\u00e5 dei norske politikarane vil ha stort \u00e5 seia for valresultatet.<\/p>\n

\u2013 Heilt \u00e6rleg, og med djup respekt for Stoltenberg og det norske folk: Eg trur ikkje det vil gjera nokon forskjell, seier Ringberg.<\/strong><\/p>\n

\"Jens<\/p>\n

Likt dei fleste nordmenn har Stoltenberg vore i Danmark fleire gonger. Men det er nok ikkje like mange som har f\u00e5tt ein klem av statsminister Mette Frederiksen.<\/p>\n

Foto: Mads Claus Rasmussen\/Ritzau Scanpix \/ Ritzau Scanpix \/ NTB<\/p>\n

Han skildrar Jens Stoltenberg som sv\u00e6rt popul\u00e6r i Danmark.<\/p>\n

\u2013 Eg trur ikkje det vil \u00f8ydelegga hans gode namn og rykte her, men eg trur heller ikkje det vil f\u00e5 nokon s\u00e6rleg effekt p\u00e5 valet. S\u00e5 \u00abnice try\u00bb, som det heiter, seier Ringberg og ler litt.<\/p>\n

\u2013 F\u00f8rer til st\u00f8y<\/p>\n

\u2013 Det er sv\u00e6rt usedvanleg, seier Bent Winther, politisk kommentator i den danske avisa Berlingske.<\/strong><\/p>\n

Han kan ikkje huska \u00e5 ha sett liknande oppmodingar fr\u00e5 andre lands toppolitikarar.<\/p>\n

\u2013 Synest du det kryssar ei grense n\u00e5r internasjonale politikarar blandar seg i val i andre land p\u00e5 denne m\u00e5ten?<\/p>\n

\u2013 Ja, det synest eg det gjer. Eg syns ein skal la vera \u00e5 gjera det, fordi det f\u00f8rer til st\u00f8y, svarar Winther.<\/strong><\/p>\n

\"En<\/p>\n

Det danske lokalvalet har skapt mykje spenning. Her fr\u00e5 eit vallokale i K\u00f8benhavn tysdag.<\/p>\n

Foto: MARTIN SYLVEST \/ AFP \/ NTB<\/p>\n

Han peikar p\u00e5 at politikarar som allereie sit med makta, kan f\u00e5 ein fordel av at dei kjenner toppolitikarar i andre land og f\u00e5 dei til \u00e5 stilla opp med slike oppfordringar.<\/p>\n

\u2013 Det er \u00f2g noko som kan utvikla seg til \u00e5 verta ein kjempetrend, der alle moglege blandar seg, seier Winther.<\/p>\n

NRK har bede om ein kommentar fr\u00e5 Stoltenberg om saka. Han har ikkje svart, men ein r\u00e5dgjevar i Finansdepartementet sender ein kommentar fr\u00e5 statssekret\u00e6r Sissel Kruse Larsen.<\/p>\n

\u00abSlik v\u00e5re sosialdemokratiske venner har stilt opp for oss i valgkamper, stiller vi opp for dem n\u00e5. Det er det lang tradisjon for i Norden og er ikke noe nytt. Vi \u00f8nsker Socialdemokratene lykke til med et viktig valg for K\u00f8benhavn\u00bb, heiter det i utsegna.<\/p>\n

Ville skapa merksemd om valet<\/p>\n

M\u00edmir Kristj\u00e1nsson (R) seier videoen hans var meint mest som eit sp\u00f8kefullt svar p\u00e5 videobidraga fr\u00e5 Stoltenberg.<\/p>\n

\u2013 Eg skj\u00f8nar at Stoltenberg har betre tak p\u00e5 nordmenn enn eg, s\u00e5 eg m\u00e5tte finna ei anna gruppe i K\u00f8benhavn. D\u00e5 tenkte eg at det var islendingane, seier Kristj\u00e1nsson og ler litt.<\/p>\n

\"M\u00edmir<\/p>\n

Islendingen M\u00edmir Kristj\u00e1nsson (R) i islendar. Den hadde han \u00f2g p\u00e5 seg i videoen der han pr\u00f8vde \u00e5 n\u00e5 fram til islendingar i K\u00f8benhavn.<\/p>\n

Foto: Simon Elias Bogen \/ NRK<\/p>\n

Han tvilar p\u00e5 at videoane vil ha s\u00e5 mykje \u00e5 seia for valresultatet.<\/p>\n

\u2013 Eg vonar jo at det er nokre islendingar der som kjem seg til vallokala og stemmer p\u00e5 Enhedslisten. Men videoen er meir for \u00e5 skapa merksemd i Noreg om det som er eit ganske interessant val, seier han.<\/p>\n

\u2013 Ein dansk kommentator meiner det kryssar ei grense og at det kan skapa st\u00f8y i ein allereie ganske t\u00f8ff valkamp. Kva seier du til det?<\/p>\n

\u2013 Eg trur det er litt avgrensa b\u00e5de kor mykje nytte videoane gjer, og mykje skade dei gjer. Og det er kanskje ikkje vits i \u00e5 ta alt s\u00e5 d\u00f8dsens seri\u00f8st, svarar Kristj\u00e1nsson.<\/p>\n

Publisert<\/p>\n

18.11.2025, kl. 20.34<\/p>\n

Oppdatert<\/p>\n

18.11.2025, kl. 21.34<\/p>\n